مواقع احترافية
مواقع تعريفية للشركات والأفراد، لوحات تحكم، وأنظمة إدارة. سريعة، تظهر في قوقل، وتخدم في التليفون قبل الكمبيوتر.
اطلب السعرمطوّر ليبي · مواقع · تطبيقات · منصات
نبنيلك منصات رقمية
تخدم الناس فعلاً
من الفكرة لين ما يستعملها الناس: موقع، تطبيق جوال، متجر، ولا منصة تواصل كاملة. شغل سريع، مصمم للنت الليبي، وبدعم مباشر بالعربي.
ويب + جوالمن نفس الفريق
مصمم لليبيايخدم على النت الضعيف
عربي من اليمينمش ترجمة على السريع
متابعة بعد النشرصيانة وتحديثات
الخدمات
شن نقدر نبنيلك
تطبيقات الجوال
تطبيقات أندرويد وآيفون بنفس الشكل والميزات متاع الموقع: إشعارات، كاميرا، موقع، ورفع على Google Play.
اطلب السعرمنصات تواصل
رسائل فورية، مكالمات صوت وفيديو، غرف صوتية، بث مباشر، وقصص. نفس التقنيات اللي تخدم عليها منصة مربوعة.
اطلب السعرمتاجر إلكترونية
متجر بمنتجاتك وأقسامه، سلة وطلبات تجيك على الواتساب، تخفيضات وكميات، ورابط مشاركة يعرف منين جاك الزبون.
اطلب السعررموز التحقق والرسائل
دخول برقم الهاتف برموز تحقق توصل على الواتساب والرسائل، وتنبيهات للزبائن من نظامك مباشرة.
اطلب السعرسيرفرات واستضافة
تجهيز السيرفر، الدومين وشهادة الأمان، نسخ احتياطي كل ليلة، مراقبة، وحماية. موقعك يقعد شغّال وانت مرتاح.
اطلب السعرالذكاء الاصطناعي
مساعد ذكي يجاوب زبائنك بالعربي، وأدوات تختصر شغلك اليومي، مربوطة بموقعك ولا بالواتساب.
اطلب السعرتحليلات وتسويق
تعرف منين يجوك الزوار والمسجلين، روابط مشاركة خاصة لكل شخص، وربط مع قوقل وميتا لإعلاناتك.
اطلب السعرأعمالي
مشاريع شغّالة، مش صور
مربوعة
شبكة تواصل اجتماعي ليبية · موقع وتطبيق أندرويد
منصة كاملة بنيتها من الصفر وتخدم توا: منشورات وقصص واستطلاعات، تعليقات بالصوت والصور، رسائل ومكالمات صوت وفيديو، غرف صوتية، بث مباشر، صفحات ومتاجر بتخفيضات، الأشخاص القريبين، مواقيت الصلاة والأذان، وتلفزيون مباشر.
منصة شهبون للتوصيل
تطبيق راكب وسائق ولوحة تحكم
منصة نقل ركاب كاملة تنباع بعلامة أي شركة: أكثر من دولة وعملة ومدينة وتسعيرة، تطبيق واحد للراكب والسائق.
شهبون ستورز
متاجر، نقاط بيع، ومحاسبة
نظام لأكثر من متجر: واجهة بيع، كاشير (POS)، مخازن، حسابات، وإدارة زبائن، من مكان واحد.
أقِم
مواقيت الصلاة في ليبيا
مواقيت دقيقة لأكثر من 30 مدينة ليبية، تخدم من غير نت، مع الأذان في وقته واتجاه القبلة.
فاحص الصور
Image Forensics · مفتوح المصدر
تطبيق يحلّل الصور على التليفون نفسه ويكشف علامات التعديل، ويفرّق بين الحقيقة التقنية والاحتمال.
الكود على GitHubServer Agent
إدارة السيرفرات بالذكاء الاصطناعي · مفتوح المصدر
طبقة تحكم آمنة تخلي مساعد ذكي يدير أكثر من مشروع على السيرفرات، بصلاحيات محددة ونسخ احتياطي ومراقبة.
الكود على GitHubبوابة رموز التحقق
رسائل وواتساب
نظام يبعت رموز الدخول والتنبيهات على الواتساب والرسائل، ويخدم حسابات مربوعة كل يوم.
وغيرهم: تطبيق ترجمة، تنزيل فيديوهات، وتحكم في أجهزة الشبكة (Shahboun Link). حسابي على GitHub
عني
أحمد شهبون
مطوّر من سوق الجمعة، طرابلس. نبني المنصة كاملة بروحي: من السيرفر وقاعدة البيانات، للموقع، لتطبيق الجوال، لين النشر والمتابعة. بنيت «مربوعة» شبكة تواصل ليبية فيها مكالمات وبث وغرف ومتاجر، وتخدم توا على موقع وتطبيق.
- منصات كاملةسيرفر، موقع، وتطبيق من نفس اليد
- للسوق الليبيالنت الضعيف، الواتساب، والعربي من اليمين
- بعد التسليمصيانة، نسخ احتياطي، وتحديثات
طريقة العمل
من أول رسالة لين النشر
- نسمعكتحكيلي فكرتك وشن تبي توصل، ونقترحلك أبسط طريق ليها.
- نصممتشوف شكل الصفحات قبل البرمجة، وتعدّل لين يعجبك.
- نبني ونجرّبتجرّب بنفسك وهو يتبني، مش في الآخر بس.
- ننشر ونتابععلى الدومين متاعك وفي المتجر، ومعاك بعد النشر.
أسئلة شائعة
اللي يسألوا عليه الناس
كم ياخذ الموقع ولا التطبيق باش يجهز؟
يعتمد على حجمه: موقع تعريفي يجهز في أيام، ومتجر ولا تطبيق في أسابيع. نعطيك مدة واضحة بعد ما نسمع فكرتك.
قداش التكلفة؟
كل مشروع وسعره حسب الميزات اللي تبيها. ابعتلي على الواتساب شن تبي، ونرد عليك بعرض سعر واضح من غير التزام.
الدومين والاستضافة عليا ولا عليك؟
نقدر نجهزهم ليك كاملين باسمك: الدومين، السيرفر، شهادة الأمان، والنسخ الاحتياطي، ونعطيك كل الصلاحيات.
يخدم في التليفون والنت الضعيف؟
نعم. كل شغلي يتصمم للتليفون أولاً، وخفيف باش يفتح بسرعة حتى على النت الضعيف في ليبيا.
تدير صيانة بعد التسليم؟
نعم، نتابع معاك بعد النشر: تصليحات، تحديثات، ونسخ احتياطي. ونتفقوا على طريقة المتابعة اللي تناسبك.
نقدر نشوف شغلك؟
أكيد. مربوعة شغّالة وتقدر تجربها توا على marbo3a.ly، وفيه مشاريع أكثر في قسم «أعمالي».
تواصل
عندك فكرة؟ خلينا نحكيو
ابعتلي شن تبي تبني، ولو مش متأكد من التفاصيل عادي، نوضّحوها مع بعض.
أرقامي (كلهم عليهم واتساب):
سوق الجمعة، طرابلس، ليبيا